नेपालमा महिला, शान्ति, र सुरक्षा सम्बन्धि राष्ट्रिय कार्ययोजना दोस्रो चरण (NAP II) को स्थानीयकरण र अनुगमन (LONAP)

नेपालमा महिला, शान्ति, र सुरक्षा सम्बन्धि राष्ट्रिय कार्ययोजना दोस्रो चरण (NAP II) को स्थानीयकरण र अनुगमन (LONAP) परियोजना ले स्थानीय र प्रादेशिक तहमा क्षमता र संरचनाहरूको विकासलाई समर्थन गर्ने लक्ष्य राखेको थियो, ताकि NAP II अन्तर्गत परिकल्पित सुविधाहरू द्वन्द्वपीडितहरू, विशेष गरी द्वन्द्वसम्बन्धी यौन हिंसा (CRSV) बाट प्रभावित व्यक्तिहरूका लागि पहुँचयोग्य बनाइयोस्। परियोजनाले स्थानीय र राष्ट्रिय स्तरमा NAP II को कार्यान्वयनको मूल्याङ्कन गर्दै, त्यहाँ देखिएका कमजोरीहरू पहिचान गर्ने, अनुगमन नतिजा सार्वजनिक गर्ने, र नीति सुधार तथा कार्यान्वयन रणनीतिहरूको सुधारका लागि प्रादेशिक तथा संघीय स्तरमा वकालत गर्ने कार्य गर्यो।

द्वन्द्वपीडित महिला राष्ट्रिय सञ्जाल (CVWN) लाई विभिन्न संस्थाहरूको सहकार्यमा NAP II कार्यान्वयनका लागि मुख्य सचिवालयका रूपमा स्थापना गरिएको थियो, जसलाई प्रभावकारी रूपमा सञ्चालन गर्न LONAP परियोजनाले महत्वपूर्ण भूमिका खेलेको थियो। यस उद्देश्यलाई पूरा गर्न, परियोजनाले पीडितहरू र नागरिक समाज महिला, शान्ति, र सुरक्षा (VCS for WPS) सचिवालय सँग बैठकहरू आयोजना गरी NAP II कार्यान्वयनका बारेमा छलफल, वकालत पहलहरूमा संलग्नता, र भविष्यका कार्ययोजनाहरूको निर्माण गर्‍यो। साथै, परियोजनाले CVWN का प्रादेशिक संयोजकहरू, उपसंयोजकहरू, केन्द्रीय बोर्ड सदस्यहरू, र कर्मचारीहरूको क्षमता अभिवृद्धि गर्ने कार्यमा ध्यान केन्द्रित गर्‍यो, जसमा आन्तरिक छलफल, गृह मन्त्रालयसँगको संलग्नता, र संस्थागत संरचनाको मूल्याङ्कन गरी सुधारका सम्भाव्य क्षेत्रहरूको पहिचान गर्ने कार्यहरू समावेश थिए।

यी प्रयासहरू मार्फत, LONAP परियोजनाले नेपालभरि NAP II को समग्र प्रभावकारिता र पहुँचलाई सुदृढ गर्ने लक्ष्य राखेको थियो। यो परियोजना एड्भोकेसी फोरम नेपाल को साझेदारीमा कार्यान्वयन भएको थियो र सेप्टेम्बर २०२३ देखि डिसेम्बर २०२४ सम्म सञ्चालन भई डिसेम्बर २०२४ मा सम्पन्न भएको थियो।