लैंगिक-सम्बन्धि न्यायको मार्ग: दायित्व वहनकर्ताहरू र अधिकार प्राप्तकर्ताहरूको क्षमता सुदृढीकरण

लैंगिक-सम्बन्धि न्यायको मार्ग: दायित्व वहनकर्ताहरू र अधिकार प्राप्तकर्ताहरूको क्षमता सुदृढीकरण परियोजनाले प्रमुख सरोकारवालाहरूलाई, विशेष गरी स्थानीय स्तरमा, महिला, शान्ति, र सुरक्षा सम्बन्धी दोस्रो राष्ट्रिय कार्ययोजना (NAP II) को कार्यान्वयनमा उनीहरूको बुझाइ र संलग्नतालाई बढाएर सशक्त बनाउन उद्देश्य राख्यो। यसले दायित्व वहनकर्ताहरू (ड्युटी बेयरर्स) र संघर्ष प्रभावित महिलाहरू बीच सहकार्य प्रवर्द्धन गर्ने लक्ष्य राख्यो, जसले समावेशी र प्रभावकारी न्याय प्रणाली सुनिश्चित गर्न योगदान पुर्यायो।

परियोजनाका प्रमुख गतिविधिहरूमा कर्णाली, सुदूरपश्चिम, मधेषका प्रत्येक प्रदेशका  पालिका स्तरमा ५ वटा अभिमुखीकरण कार्यक्रम समावेश थिए, जसले स्थानीय सरकारका अधिकारीहरूलाई NAP II को बारेमा जानकारी गराई सुशासन र जवाफदेहिता प्रवर्द्धन गर्न सहयोग गर्‍यो। साथै, तीन वटा प्रदेशमा संघर्ष पीडितहरू र प्रमुख सरोकारवालाहरू बीच संवाद सत्रहरू आयोजना गरिए, जसले आपसी सिकाइ र समझदारीको अवसर सिर्जना गर्‍यो। यी प्रयासहरूले संघर्ष प्रभावित महिलाहरूले भोग्ने चुनौतीहरू सम्बोधन गर्दै, उनीहरूको आवाज निर्णय प्रक्रियामा सशक्त बनाउन योगदान पुर्यायो र लैंगिक-संवेदी तथा न्यायपूर्ण समाज निर्माणमा सहयोग गर्‍यो। कानूनी सहायता तथा परामर्श केन्द्र (LACC) सँगको साझेदारीमा कार्यान्वयन गरिएको यो परियोजना जुलाईदेखि डिसेम्बर २०२४ सम्म सञ्चालन भई सफलतापूर्वक सम्पन्न भएको छ।